أهلين بنات 😊
أول بوست ليا في المدونة ان شاء الله على خير 😌
بوست اليوم كيف تصنعي بلانر او منظم
خلي نحكيلكم شوية على البلانر و قصتي
معاهم
من يومي نحب نخطط و نكتب شن نبي ندير في
يومي
بس الاغلب مانطبقش فيه لأن مش عاطياته
هديكا الأهمية و يصير التأجيل و يضيعو الأيام على الفاضي
بعدين لما بديت نفتح في اليوتوب بدت
تطلعلي فيديوات البلانر
في الأول مافهمتش شن هو بعدين حملت هلبا
فيديوات و بدت تضح الرؤية
البلانر أو الأجندة هي مذكرة مقسمة حسب
الشهور و الأسابيع و الأيام
أنا أول فيديوات شفتها كانت عن نظام
الفايلو فاكس اللي هو زي الملف و أنتِ تضيفي الأوراق عليه
هذا رابط لفيديو على نظام الفايلوفاكس
فكرته مش محبذة هلبا لأن بتقعدي تدوري في أوراق و تطبعي و أصلا هو المجلد بروحه سعره غالي
زي الصورة هادي و الصورة في بداية البوست
و شبيه بيه الكيكي كي
و هذا موقعهم
و بعدين لقيت الأجندة الواتية زي ارين
كوندرين
هادي مذكرة واتية و مقسمة حسب الشهور و
الأيام
و هذا موقعهم
هادي قناة على اليوتوب حلوة فيديواتها و
تنسيقها للبلانر
طبعا هما فيه هلبا يبالغو في التنسيق و
إضافة الستيكرات (الملصقات ) و الواشي تيب
هو كل حد و تفضيله و تنظيمه ليه
بعدين لقيت مدونات عربيات يحكو على
التنظيم هادو روابط صفحاتهم شوفوهم
طبعا بالإضافة لتنظيم الأيام و مهامك كل
يوم
تقدري تكتبي فيها قائمة شن الكتب اللي
حابة تقريهم
أو أفلام تبي تشوفيهم
تقدري تنظمي شن تبي تطيبي كل يوم
يعني أي شئ في حياتك تبي تنظميه تكتبيها فيها
بعد المقدمة الطويلة هادي هههههههه
نبدو بالمنظم امتاعي اليوم
طبعا أنا درته مش للتنظيم اليومي
لأن عندي أجندة بروحها لمهام كل يوم
هذا درته باش انظم جوانب تانية في حياتي
خلي نوريكم كيف درته بعدين نحكي كيف قسمته
أول شئ جبت مذكرة عادية عندي من قبل
و جبت فواصل خديتهم من مذكرة قديمة عندي
و بعدين بديت نثبت في الفواصل , طبعا لأن مش من نفس المذكرة ماكانوش ماشيات مع كل الفتحات
فا قصيت الزوائد و ثبتت الباقي في المذكرة
و هكي شكلهم بعد ما ثبتتهم
و هذا من الجنب
درت فيه 4 أقسام
أول قسم
الانترنت
باش نكتب فيه الباسوورد لكل موقع أنا
مشتركة فيه باش ماننساش
و كذلك أسماء مواقع و مدونات و صفحات
يوتوب مفضلة عندي
ثاني قسم
روتيني في العناية
نكتب فيه كل شهر كيف بنعتني بروحي و درت
فيه قسم للمنتجات امتى بدت و امتى كملتها و ريفيو عنها باش نرجعله لو بنكتب عليهم
في المدونة
ثالث قسم
قائمة الكتب اللي قريتها في 2016 و
مقترحات لكتب ثانية و إقتباسات من الكتب
آخر قسم
الأنمي و المانجا ( للي مايعرفهمش تبيلها
بوست ثاني هههههههه )
نكتب فيه شن تفرجت و لو فيه أنمي يبي
تكميل في المانجا في أي تشابتر نبدا
و حتى كتبت الأفلام و المسلسلات اللي نبي
نتفرج عليها
و حتى إقتباسات منهم أو لحظات مفضلة في
حلقة ما
و لصقت على كل قسم إسمه
(و آخر ورقة درت فيها ستيكي نوتس (ورق ملاحظات
طولت عليكم بس نحب نشرح بالتفصيل
بالنسبة للتنظيم اليومي حندير عليه بوست
مفصل بروحه
و ان شاء الله عجبكم البوست و شاركوه مع
أصحابكم
و شكرا لكل من قراه
